Раководител на Технички Проекти (Индустриски Операции)

За потребите на реномирана и стабилна компанија, бараме искусен и високо мотивиран Раководител на технички проекти, кој ќе раководи, координира и надгледува проектни активности поврзани со индустриски процеси, инфраструктура и технички системи.

Позицијата има клучна улога во успешно планирање, реализација и следење на инвестициони (Capex) и оперативни проекти, како и во развој на технички решенија, подобрување на оперативната сигурност и обезбедување усогласеност со сите релевантни безбедносни, еколошки и индустриски стандарди.

Задачи и одговорности:

• Раководи и координира со проектни активности во рамки на технички и оперативни системи
• Подготвува идејни решенија и проектна документација за одобрување и имплементација
• Координира инвестициони (Capex) проекти поврзани со техничка инфраструктура и опрема
• Учествува во подготовка и техничка евалуација на тендерска документација
• Обезбедува ефективна комуникација и соработка со интерни сектори, надворешни компании и релевантни институции
• Врши анализа на техничка документација и дава стручни препораки за реконструкција и оптимизација на процеси
• Учествува во планирање и подготовка на активности за планирани и непланирани ремонти
• Учествува во процесите на одржување на постојна опрема и избор на нова опрема
• Соработува во изработка на нови проекти, технички студии и унапредување на процеси
• Подготвува извештаи за напредок на проекти и оперативни активности
• Извршува и други задачи во рамки на својата професионална квалификација

Потребни квалификации:

• Универзитетска диплома од областа на технологија, машинство, електротехника или сродна техничка област
• Познавање на CAD софтвер, Microsoft Office и активно познавање на англиски јазик
• Поседување лиценци од категорија А за проектирање, изведба и/или надзор ќе се смета за предност
• Минимум 10 години релевантно професионално искуство во индустриски постројки, инженерство, проектен менаџмент или градежен надзор
• Искуство во работа со комплексни технички системи ќе се смета за предност
• Искуство во водење мултидисциплинарни технички тимови ќе се смета за предност
• Поседување важечка возачка дозвола

Потребни вештини и компетенции:

• Силни организациски, аналитички и комуникациски вештини
• Стратешко размислување и способност за носење одлуки
• Иницијативност и проактивност
• Способност за решавање проблеми и управување со повеќе приоритети
• Високо ниво на одговорност, интегритет и доверливост
• Подготвеност за работа во динамична техничка средина и на терен, кога тоа го бара природата на работата

Компанијата нуди:

• Работа на комплексни и значајни технички проекти
• Професионална и стабилна работна средина
• Соработка со искусни технички и инженерски тимови
• Можности за континуиран професионален развој и напредување